ოზურგეთის მუნიციპალიტეტის დაბა ურეკში დაგეგმილია არსებული განაშენიანებისა და პარკების რეკონსტრუქცია-რეაბილიტაცია, ასევე ახალი პარკების, საფეხმავლო ბილიკებისა და მიმდებარე ინფრასტრუქტურის მოწყობა.
სარეკონსტრუქციო ტერიტორიის ფართობი შეადგენს 19,225 მ²-ს, რაც პროექტს მნიშვნელოვანს ხდის როგორც ურბანული განვითარებისთვის, ისე ტურისტული პოტენციალის გაძლიერების თვალსაზრისით.
პროექტის ფარგლებში საპროექტო კვლევები უკვე დაწყებულია — მას ახორციელებს კომპანია „მეგავატი“, რომელსაც დიდი გამოცდილება აქვს ურბანული დაგეგმარების და საინჟინრო პროექტების განხორციელებაში.