სოციალური მომსახურების სისტემის განვითარებისა და რეგიონებში სერვისების ხელმისაწვდომობის გაზრდის მიზნით, საქართველოში მიმდინარეობს სოციალური მომსახურების სააგენტოების ახალი ინფრასტრუქტურის მოწყობა. პროექტის ფარგლებში ოთხ დიდ ქალაქში — თბილისში, მცხეთაში, ახალციხესა და რუსთავში — იგეგმება თანამედროვე, საერთაშორისო სტანდარტებზე დაფუძნებული სამხარეო სერვისცენტრების მშენებლობა.

კომპანია „მეგავატმა“ აღნიშნული ობიექტების საპროექტო და სახარჯთაღრიცხვო დოკუმენტაციის სრული პაკეტი მოამზადა, რაც მოიცავდა როგორც საინჟინრო კვლევებს, ისე არქიტექტურულ-გეგმარებით და გარემოსდაცვით ღონისძიებებს.

ობიექტების ტექნიკური აღწერა:

ახალციხე – ბექა ჯაყელის ქ. N38

ნაკვეთის ფართობი: 1,917 კვ.მ

საპროექტო ტერიტორიაზე არსებული შენობა-ნაგებობები შეფასდა როგორც ავარიული, რომელიც არ აკმაყოფილებს მოქმედ სამშენებლო და სეისმოლოგიურ სტანდარტებს.

გამაგრება/რეაბილიტაცია არარენტაბელურია, რის საფუძველზეც მომზადდა 230 კვ.მ-ის სრული სადემონტაჟო პროექტი.

თბილისი – ჯავახეთის II შესახვევი N3

ნაკვეთის ფართობი: 722 კვ.მ

ტერიტორია წარმოადგენს სწორ, გამწვანებულ სივრცეს მცირე  დახრილობით სამხრეთისკენ.

პროექტის ფარგლებში გათვალისწინებულია არსებული ხე-მცენარეების გადარგვა დენდროლოგიური პროექტის შესაბამისად, გარემოზე ზემოქმედების მინიმიზაციის მიზნით.

მცხეთა – სამხედროს ქუჩა №13

ნაკვეთის ფართობი: 1,200 კვ.მ

ტერიტორია რელიეფურია, აღმოსავლეთის მკვეთრი დაქანებით. გარემოსდაცვითი სტანდარტების შესაბამისად, მომზადდა არსებული ხე-ნარგავების გადარგვის დენდროლოგიური დოკუმენტაცია.

რუსთავი – ფალიაშვილის მიმდებარე ტერიტორია, №18

ნაკვეთის ფართობი: 1,608 კვ.მ

სწორი, გამწვანებული ტერიტორია, რომელიც უზრუნველყოფს მშენებლობის ოპტიმალურ პირობებს. 

პროექტი მოიცავს არსებული ხე-ნარგავების გადარგვას დენდროლოგიური მოთხოვნების სრული დაცვით.